《為煲呔埋單計數》
【本報訊】曾蔭權任內提出「進步發展觀」，但過去六年，他粉碎天星鐘樓、強拆皇后碼頭，他的保育政策，不外乎引入財團將歷史建築商業化。為加快舊區重建步伐，政府去年降低舊樓強拍門檻，被斥是協助財團強搶民產。有舊樓小業主慨嘆，「強拍後只夠錢買舊樓，人生仲要面對幾多次強拍？」
記者：梁德倫、鄭啟源、白琳
去年4月1日開始，舊樓樓齡逾50年、發展商只需擁有80%業權，便可申請強拍。強拍門檻九降八後，土地審裁接獲強拍申請大增，今年首8個月已接到31宗申請，是歷年新高。新例生效前一年，只得8宗申請。
胡太一家五口，居於田灣登豐行一幢唐樓逾50年。胡太說，早於06年開始有不同的收樓公司盤踞，她住的唐樓整幢業權只得6個，09年開始面對收購，至現時只剩她一個單位未出售。政府放寬強拍門檻，令胡家大失預算。「本來我哋有六分一業權，佔整幢大廈16%，但新政策令我哋即時被強拍，應該叫『土地為發展商發展而強制售賣條例』先啱。」
胡太指出，發展商選擇舊區重建並非因樓宇殘舊，而是因為地段價值，「原本環境好好無危險點解要重建？」她稱發展商出價，只能購買原區30多年樓齡的住宅，「住10幾年又要面對強拍，咁我人生要面對幾多次強拍先夠？我哋只係想老人家唔使離開生活咗幾十年嘅圈子！」
將歷史建築交大財團營運
關注強拍大聯盟成員王浩賢指，強拍門檻放寬加深小市民與發展商及政府間的矛盾，「收樓時你出價3、400蚊一呎，但重建後豪宅係萬五蚊一呎，只得地產商受惠嘅話點算得上係德政？」他認為，舊樓有其特定功能，例如提供較便宜租金予低下階層，若全港舊樓都要強拍重建，「係咪犧牲晒所有小市民後香港就會變好呢？」
推土機式發展，催化保衞天星、皇后碼頭等社會運動，曾蔭權在07年提出進步發展觀、活化歷史建築夥伴計劃、整區保育中環等措施回應民間不滿。但中西區關注組成員羅雅寧指出，曾蔭權傾向將歷史建築交由大財團營運，如活化大澳警署成為信和集團囊中物、中區警署交由馬會活化，「你睇尖沙嘴前水警總部交咗畀長實之後變成點？」她批評，曾蔭權一直將發展凌駕於保育，觀念落後，「曾蔭權執意要賣政府山，就經已談不上保育中區！」