情變後，傅穎冇工開，相反舊愛羅仲謙繼續工作停不到手，最近他便參與演出舞台劇《我的基本生活》。
識女仔有陰影
羅仲謙劇中飾演天生喜歡男人的已婚男人，昨日他在觀塘綵排時說：「呢個劇係第二度公演，上次係姜文傑做，今次我做佢嘅角色。」
問肌肉結實的羅仲謙是否容易吸引同性關注，他說：「咁認識都會有，人哋想識我好正常。我知道佢哋（同性戀者）好鍾意做健身，但我冇見過，因為我做健身嗰度係私人健身院。」
羅仲謙強調喜歡女仔，更不會中途轉「基」，他說：「我有朋友係咁，返唔到轉頭，我都好唔明，不過我唔會。」謙仔會否怕再識女仔？他說：「我話我唔會你都唔信，緣份到都唔會避開。」
採訪：楊潔雯 攝影：黃偉雄