【本報訊】繼煎蛋免治牛飯被指藏金屬條後，大家樂四寶河再「附送」煙蒂！女食客在機鐵香港站分店外賣一碗四寶河，食到一半時赫見碗內有一支煙蒂感覺惡心，將之拿回店內與經理投訴，經理淡然承認有煙蒂，女事主大為不滿：「仲恐怖過有曱甴老鼠。」
經理無法解釋
在中環港交所任職秘書的潘小姐因要加班，前日傍晚約6時到附近機鐵香港站預辦登機大堂的大家樂分店，外賣一碗四寶河返回辦公室。其間她發現啡色異物，「初時仲奇怪點解四寶有冬菇椗，但聞到陣煙味先知原來係煙頭！」潘勃然大怒：「好似食緊人啲口水，都唔知有冇傳染病！」遂將剩餘湯粉拿回該店向經理投訴。據潘小姐稱，一名姓陳經理承認異物為煙蒂，表示換一碗新湯粉給她，並迅速收回問題湯粉，潘要求退款亦受理。她質疑湯粉為何會藏煙蒂，經理指廚房禁煙，但無法解釋原因，並暗示「平時見到（異物）會執走佢！」潘小姐事後致電食環署。
食環署發言人稱前晚接獲投訴後，昨已派員巡查有關食肆，該食肆衞生情況一般，已提醒食肆負責人和員工須時刻注意食物和環境衞生，確保食物安全。大家樂對事件致歉，稱已進行內部調查，並向原材料供應商反映。