楊千嬅和丁子高去年結婚後，一直嚷住要生仔但又無期。丁子高前晚出席活動時，坦言想生龍仔龍女，最遲下年1月要開工造人，更表明在做愛方面很勤力，所以要先進補，否則頂唔順。他承認有參考及研究受孕體位，不過他不敢學譚詠麟所講，用吊環上陣！
丁子高、名模LisaS.、AnaR.、陳嘉容、貝安琪和翻版關之琳Jocelyn等，前晚在圓方出席SwissAuction晚宴，貝安琪和Jocelyn一個中門大開，一個低胸，大鬥性感。
「我一向好勤力」
楊千嬅早前自爆要下年才有期生兒育女，丁子高前晚說：「係呀，應該要1月，我一向都係好勤力嘅人。」哪方面勤力？他鬼馬說：「做嘢、休息，同埋，唔……『做嘢』囉，都好勤力㗎！」他表示想生龍仔龍女，所以最遲明年1、2月要開工，問他可有先行進補？他說：「啲人話我越嚟越瘦，我都要開始進補，唔係頂唔順！」記者笑他水皮頂不住，他即時補充說：「工作呀！」
LisaS.曾表示做完愛要戙高腳才容易受孕，坊間又有很多不同做愛體位有助懷孕，問丁子高可有研究甚麼甫士？他開始有點尷尬說：「嗰啲參考吓，研究緊㗎喇，但最緊要揀自己啱用嗰啲囉。」譚詠麟曾經介紹用吊環，丁子高聽完面紅說：「吓！咁千嬅咪變咗揼骨妹？梗係唔會啦，地鐵咩？」
丁子峻月底結婚
昨日有「大雕」之稱的何潤東，接拍安全套廣告，丁子高就表明要造人，不會接該類廣告，他說：「我拍完唔啱囉，家唔需要（安全套）。」他笑言一見到千嬅以前拍的安全套宣傳片就不開心，要熄機。他又爆堂兄丁子峻將於月底在上海結婚，迎娶圈外女友。
採訪、攝影：盧妹