求驗客手記:12碼宴客富咸玩罰錢 - 求驗客

求驗客手記:12碼宴客富咸玩罰錢 - 求驗客

禾夫斯堡教練馬加夫出名變態,借啲意就罰球員錢,估唔到富咸領隊祖爾(圖)同佢同科。話說富咸嘅19歲瑞士中場卡沙米喺上月下旬對車仔嘅英聯盃失射12碼,搞到隊波喺第3圈止步(加時後0:0,互射12碼輸3:4)。祖爾之後就秋後算賬,罰咗卡沙米500鎊(約6,000港元),不過此舉引來陣中嘅主力非常不滿,認為祖爾咁做好冇理。查實卡沙米都係臨時拉伕,而且經驗尚淺,「宴客」都唔怪得佢咁多,所以我求大俠亦唔贊成咁做。祖爾成個暴君咁,小心自己坐唔長呀!