香港地少人多，養寵物嘅運動員大有人在，但就冇咁誇張，壁球東亞運3金得主劉少維（Dick）就係魚癡，家中養咗二十幾條觀賞魚，放假回家睇魚之餘，仲係同爸爸維繫感情嘅好方法。
Dick將秀茂坪嘅住所變成水族館，最得佢歡心嘅唔係熱帶魚或金魚，而係獨佔大廳一角嘅花羅漢「花仔」。牠樣子可愛，加上粉紅色嘅外型份外醒神，但花羅漢係格鬥魚，唔適宜跟同類齊養，所以一定要單獨照顧，呢條兩歲大嘅小魚過着皇帝式生活，亦係Dick同爸爸維繫父子情嘅中間人，「爸爸愛魚程度比我更瘋狂，當我比賽同練習時，魚兒嘅起居飲食都係由他一手包辦，我就會買新魚送給爸爸，當作禮物逗佢開心。」
蔡曉慧養日本柴犬
養寵物始終係一個終生承諾，不能半途而廢，前泳手蔡曉慧09年東亞運退役無耐，便「榮升」成為日本柴犬Oki嘅主人，「之前要經常比賽，根本冇時間養。如果有其他人幫手照顧，我唔反對全職運動員飼養寵物。」