全球實iPhone5出爐，有黑客利用大家心急心理，整咗個黑心電郵，內有所謂iPhone5S嘅圖片，其實係病毒，性急「果迷」隨時未見新機先中招，被跣一鑊甘嘅。
若然「果迷」真係咁心急，click咗電郵上嘅超連結，電腦就會連接到黑客伺服器，下載一個名為iphone5.gif.exe嘅視窗軟件。中招電腦入面嘅個人資料，例如信用卡、MSN對話都可能被盜取，黑客仲會留番一句說話畀你：「Iwannabeabillionairesofrickinbad！」希望大家冇上當。呢位黑客呃人都幾認真，電郵設計抄足蘋果，同蘋果嘅宣傳品有九成九相似。