【本報訊】內地富豪爆煲新聞不斷，市場擔心一直撐起本港零售市道的「北水」，威力或不再。估值偏高的本地零售股，連日來繼續插水，1個月股價已唔見咗一半。不過，一眾本地商家表示，近日黃金周銷情仍然暢旺，生意續見10%至30%增長；零售管理協會亦指短期未見本地零售有太大風險，不過如歐美危機惡化，明年市道或會有影響。
記者：吳綺慧、陳健文
零售業管理協會主席麥瑞琼表示，暫時未見到內地旅客的消費力有很大變化：「唔會幾十萬人落嚟都喺富豪，我唔喺咁悲觀，始終內地中產階層的數目不斷上升，打工仔人工高咗，先最帶動到香港消費。」
歐債爆煲勢損出口業
不過，麥瑞琼坦言，如歐洲債務危機最後真的演變成有國家破產，對環球經濟都會做成很大牽連，內地出口或遭受打擊：「家內地打個乞嗤，香港都會感冒。零售商近年營運成本膨脹得好厲害，如果佢哋生意增長有少少放緩，利潤能力都即刻受到影響。」
而深受內地闊太們歡迎的名牌手袋店米蘭站（1150），其營銷總監陳漢量亦表示，於過去數個星期未見內地客人的購物情況出現異樣，個人亦不感受整體生意表現有受到影響。
六福（590）董事兼財務總監羅添福則表示，縱使近日壞消息不斷，但他們生意未見有轉勢迹象：「你見條街仲迫滿人就知啦！呢排我地仲賣多咗黃金，金價跌咗佢地覺得好抵買，消費同之前差唔多，完全唔覺有手緊到。」羅添福估計生意仍會有10%至20%增長。
護膚品同樣是內地同胞必掃項目之一，卓悅（653）執行董事陳志秋表示：「我哋賣啲係必需品，就算股市、經濟差少少，我哋都唔會有太大打擊。經濟唔好女人都唔會唔化妝！」陳志秋預料，黃金周生意或會受到打風及天雨影響，會相信仍會有雙位數的升幅。
零售貨值升29%遜預期
政府統計處昨日公佈，8月份零售業總銷貨價值臨時估計約343億元，按年升29%，略遜市場預期的30%。
政府發言人表示，政府會密切留意全球經濟環境漸趨不明朗，對本地消費意欲可能造成的影響。