遠東發展（035）上個月舉行股東會，邱德根唔再連任主席同執行董事，轉做榮譽主席，由第二仔邱達昌接棒做主席，集團第三代上位工程隨即展開。邱達昌做主席嘅麗悅酒店（2266）宣佈，委任乖女邱詠筠（Winnie）做總裁，下個月開始履新，原本嘅總裁莫貴標就借歪，轉任非執行董事。
Winnie今年31歲，舊年至畀麗悅委任做執行董事及首席策略總監。伊人02年喺英國倫敦大學畢業後，去過馬來西亞發展，做地產同零售管理，05年返遠展幫手，擔任物業發展部總監，主要睇住酒店嘅項目。
Winnie喺07年開過快餐連鎖店FreshnessBurger，專做健康天然漢堡包。又係香港管弦樂團董事會成員，今次做咗麗悅總裁，唔知旗下酒店會唔會加多啲飲食同音樂元素呢？