上星期港股曾經反彈，但唔理LongFund定HedgeFund，都冇當上個禮拜大市反彈係一個轉好訊號。基金界老友forward咗個電郵畀華華，裏面節錄咗部份基金經理對大市反彈嘅回應。
其中有個趁大市回升平咗倉嘅對冲基金經理A問：「係咪可以再沽空？」
入咗飛認購新股、想抽飛又抽唔到嘅對冲基金經理B答：「可唔可以調高新股限價盤個價，同唔要咁多貨？」
仲揸住好多貨嘅對冲基金經理C話：「要確保我哋嘅投資配置安全！」
長線基金又點？清咗倉嘅長線基金經理D話：「通街平貨，但我都係鍾意錢多啲。」
想買嘢嘅長線基金經理E話：「有冇嘢好買？我要最差情況下嘅目標價。」
同樣清咗倉嘅長線基金經理F話：「不如去旅行咯，未來3個月都冇乜嘢好搞。」
睇完基金經理嘅諗法，大家今個禮拜仲會唔會買嘢呢又！