潮媽陳慧琳（Kelly）每次提起囝囝劉昇（蝦餃仔）都滔滔不絕，近日莫文蔚、梁詠琪先後出嫁，Kelly即搞笑表示希望兩位靚太快點做媽咪，生個B女俾蝦餃仔揀女友，恨娶新抱恨到出口。
前晚在紅館舉行的「香港同胞慶祝中華人民共和國成立62周年文藝晚會」，一眾歌手陳慧琳、梁漢文、鄭融、林二汶等擔任表演嘉賓，還有近日傳斷背的許廷鏗與張敬軒，不過二人沒機會合照。
莫文蔚喜愛蝦餃仔
莫文蔚（Karen）與梁詠琪（GiGi）近日先後結婚，陳慧琳表示恭喜GiGi，並說：「希望佢快啲生B，生個mix，GiGi咁靚女又夠高，希望佢生個B女，劉昇又咁高，等佢第時可以揀女朋友。」說罷，Kelly又很雀躍說：「Karen又係，條腿咁長，佢之前見我都問我攞劉昇啲相睇，相信佢好鍾意小朋友，希望佢都快啲生，等我蝦餃仔有得揀，我蝦餃仔發達喇。」
許廷鏗講斷背失憶
許廷鏗最近被拍下與男友人在公園疑似親熱的斷背照，前晚首度見記者的廷鏗頭耷耷，緊張又心神恍惚，他解釋因為壓力很大才飲了幾杯與死黨在公園傾偈，問他為何會睡在男友人大腿及親近傾偈？他直言已斷片：「我好攰又受酒精影響，你問我點解真係唔記得。」問他喜歡男或女？他想了幾秒說：「女仔，我亦希望搵到真愛。」
張敬軒被許廷鏗連累捲入四角斷背情，軒仔表示未看該周刊，並說：「我客串啫。」另外林二汶前晚破天荒以貼身裙、魚網絲襪及紅唇示人，極有女人味，問她是甚麼cup數？她豎起手指公笑說：「高級。」
採訪：李珮洳
攝影：仇志德