最意外：富咸
富咸球迷等到頸都長，球隊今季終在英超開齋，最令人意外是竟大炒昆士柏流浪6:0，安祖莊臣大演帽子戲法。富咸之前6場英超4和2負，為近3季最差開季成績，萬料不到突於今輪在小屋球場蘇醒。希望富咸不是虛火，可以續有好表現。
最hea：巴塞隆拿
地上最強面對榜尾希杭，12分鐘就由艾迪安奴打開紀錄，相信不少球迷認為巴塞勢必大屠殺，但巴塞竟然「收油」；下半場教練哥迪奧拿更加收起艾迪安奴及柏度洛迪古斯，換入中堅碧基及防中施度基達，擺明一球夠數，令上盤客非常失望。
最好腳頭：史提芬斯（史浩克04）
史浩克新教練史提芬斯上任首戰，靠荷蘭射手亨特拉爾梅開二度贏漢堡2:1，相當好腳頭。史提芬斯曾於96至02年教過史浩克，幫球隊攞過一屆歐協盃及兩屆德國盃，戰績彪炳；上任教練蘭歷克因病辭職後，球隊高層即刻請他回巢。
最老而彌堅：林柏特（車路士）
33歲的林柏特開季表現平平，正選不保，費蘭度托利斯更暗示他拖慢球隊節奏；但老馬有火，林伯今輪連中三元助車仔大勝保頓5:1！林伯對上一次在英超入3球，是去年3月，當時他食「大四喜」，助車仔贏維拉7:1。
精采一刻
波圖大炒「科大」，3個入波都冇侯克（中）份，點解要揀呢張相？睇佢眼神夠銳利，射波前好似計晒角度咁；雖然呢球波最後唔入，都不失射手本色。美聯社
討論論區金句
熱刺vs阿仙奴
「雲格醒下啦！433？尹佩斯打單前，有冇人可以代替法比加斯喺千軍萬馬中交到靚直線，如果無，你擺尹佩斯喺最前面，頂又唔得，傳得唔靚，佢俾人圍實攞唔到，攞到仲要較（交）返隻左腳，結果前場進攻死晒！」
保頓vs車路士
「無廢托（費蘭度托利斯）嘅車仔真係唔同啲，請不要再用廢托了！」
資料來源：香港討論區