「旺氣」早排同人吐苦水話有朋友見利忘義，關仁聽聞佢所指嗰個人係公仔箱高層「假姐」，話說假姐以前好錫旺氣，開親劇都會預佢做男豬腳，每次旺氣工作上遇到啲唔開心嘢，假姐都會幫旺氣出頭。但係自從舊年「大師」出事之後，假姐對旺氣嘅態度就180度轉變。
假姐呢一年除咗搵旺氣拍《日日落雨》之外，成年開劇竟然冇一部預旺氣，其間旺氣投訴喺《日日落雨》行行企企，假姐都冇出聲理佢，之後公仔箱高層要同旺氣提前解約，假姐竟然冇反對亦冇挽留，令旺氣嬲爆假姐。之前有傳假姐喺大師出事之後，投靠大師死敵「坐唔安」陣營，所以假姐亦放棄旺氣囉。
撰文：關仁