首屆復辦的維港渡海泳本月16日舉行，起點東移到油塘工業區旁三家村公眾碼頭，游1.8公里至對岸的鰂魚涌公園，欺山莫欺水，有渡海泳師兄指在海上游泳要更加注意安全，並提醒選手們量力而為，「喺泳池練水同喺海度游，完全唔同」。
搽花士令隔海水
前香港隊代表、業餘游泳總會義務秘書王敏超表示，當年有近700人參加維港泳，復辦首屆名額增至1,000人。
他說參加渡海泳講求耐力，泳手體能是關鍵，因此泳手必須訓練有素，至於能否名列前茅，除了經驗，也可能要靠一些運氣，「睇吓係咪順水流，起跳時多唔多人阻住你」。
他指維港泳與泳灘暢泳分別很大，因泳灘外圍的防鯊網擋去大部份海浪，泳灘水面較為平靜，而泳池更是無浪可言，「維港泳個海始終有浪，記得有浪嘅時候要抬高啲個頭吸氣，唔好飲水，一飲水就會失方寸。最緊要冷靜，量力而為，掌握自己嘅時間同速度」。
他又說賽前必須有足夠睡眠，「唔好打通宵麻雀」，及早攝取足夠碳水化合物；游泳前要有足夠熱身運動，「個海會有白鮓（水母）、水螆，可以搽花士令隔住皮膚同海水，就算整親都冇咁痛」。
今年的終點更改在鰂魚涌公園，地方較為淺窄，王敏超說市民如要觀賞賽事有一定的難度，「可以喺海濱長廊睇，不過可能太多人，喺後面睇嘅話要用望遠鏡」。
《蘋果》記者