周秀娜和陳茵媺前晚出席在中環舉行的周年活動，談到最近有不少模先後鬧分手，娜姐周秀娜被問到有否受感染，她大晒幸福地說：「我哋不嬲都好穩定，好信任大家。」近日有傳她的男友Avis的前女友大肚，而身為經手人的Avis遇到娜姐後卻見異思遷，娜姐說：「我識咗佢好耐，知道佢嘅為人係點，所以冇問亦唔需要問佢。」
茵媺擬買大屋
講到生BB的問題，娜姐笑說：「等我有幸做咗佢老婆，咪會幫佢生兒育女，佢平時食好多生蠔，生殖能力好好。」再問娜姐會否覺得滿足，她笑說：「有時食得太多，所以會戒口食少啲海鮮。」姍姍來遲的陳茵媺因塞車而遲到，自從她與陳豪公開戀情後，工作量似乎增加了不少，問到她有否趁機加價？她笑說：「我冇問過經理人，不過梗係越多越好，我希望努力搵錢，買間大啲嘅屋同爹哋媽咪一齊住。」至於有否預埋陳豪？她說：「慢慢嚟，一步還一步，我哋都未見家長。」
採訪、攝影：溫敏芝