娛樂圈喜事一浪接一浪，繼梁詠琪明日跟西班牙男友閃婚外，郭羨妮昨日原來亦唔聲唔聲在關島跟拍拖一年的武指朱少杰註冊結婚。連計莫文蔚昨日於意大利佛羅倫斯跟初戀男友Johannes拉埋天窗，十．一國慶日娛圈雙喜臨門，兩女星搶閘出嫁，齊齊告別剩女生涯，認真可喜可賀。
現年37歲的郭羨妮（Sonija）與31歲的內地武指男友朱少杰拍拖以來，經歷不少風風雨雨，先是傳她未婚懷孕，繼而有指她為嫁窮武指而激親媽咪。不過，種種閒言閒語不但未有對Sonija和朱少杰感情構成影響，更已認定對方為終身伴侶，今年7月Sonija曾透露因工作關係要將婚期押後至明年，但其實她早落實在昨日註冊結婚，只是因為不想傳媒追訪而掩人耳目，所以稱婚期有變而已。
關島註冊家人見證
昨日十．一國慶，Sonija於上午10時半在微博上載了一張她與朱少杰的結婚照，並寫道：「今天我們結婚了。」照片中，Sonija穿上由時裝設計師好友何國鉦設計的米白色露肩婚紗，跟穿上禮服的朱少杰在海邊手拖手情深對望，雖然Sonija未有透露在何處舉行婚禮，但據悉她昨日是在關島一小島上註冊結婚。
原本在上海拍攝內地劇集《民國恩仇錄》的Sonija，為結婚而向劇組請了數天假期飛往關島，由於她想婚禮低調進行，故昨日只有雙方家人出席，未有邀請親友，至下月才於北京補擺喜酒大宴親朋。據悉，Sonija在簽紙宣誓時數度喜極而泣，要朱少杰忙加安慰。
下月北京大排筵席
記者昨日致電Sonija，但未獲回覆。無綫製作資源總監樂易玲昨被問到「嫁女」一事時，她喜孜孜地說：「好開心，佢搵到個好歸宿，佢老公係一個絕種好男人，原本上個月底Sonija同埋佢老公返香港同我見面，但後來Sonija感冒冇返到。其實半年前佢哋已經plan咗結婚，今日只係簽個紙啫，唔想俾人騷擾，諗住11月再喺北京大排筵席。」記者昨日致電曾跟Sonija傳緋聞的陶大宇，但他拒絕回應；至於另一緋聞男友馬浚偉則說：「好戥佢開心，等佢哋返香港之後我會請佢哋食飯。」
採訪：林妃
有玄機：本月嫁娶好聚財
踏入10月，娛圈女星排住隊披嫁衣。繼昨日莫文蔚和郭羨妮結婚後，明日輪到梁詠琪與西班牙男友，月底又有陳貝兒、李玟、台灣名模林嘉綺和組合S.H.E成員Selina，喜事重重。到底10月新娘是否零舍吃香？記者昨日致電堪輿學家區仲德了解，他表示本月是農曆9月，跟流年太歲相合，適宜嫁娶，他說：「農曆9月有一粒天喜星，同時又旺土旺水，土代表財富，結婚嘅話，未來日子可以積聚更多財富，加上今日係定日，最適宜有喜慶嘅事。」