八方今次介紹呢齣爆笑港產電影，由《替補機制》同《人肉錄音機》原班人馬製作，有金像大導當奴．曾親自操刀搞鬼對白：「佢唔理民望，但愛香港」。男主角當然由頭號喜劇之王、民望直插谷底嘅林瑞麟擔演，配合電影口號「特首有唐唐，政務靠公公」，係笑到冇朋友嘅必睇佳作。
呢齣電影叫「特務戇L之亂港大業」，改編外國劇本，靈感來自林公公升呢做政務司司長，極速一日拍成，旋即喺網上瘋傳，短短兩日facebook就有近2,500個轉貼。單睇poster（圖）上嘅林公公喺火海中擘腿、雙手拔槍嘅英姿，已經值回票價，可惜人哋嘅「戇J」救國，我哋嘅「戇L」就亂港，真係笑中有淚。