歐陽震華（Bobby）、馬賽和楊怡等昨日到樂富宣傳無綫劇《不速之約》，該劇平均收視26點（約166萬人），成績一般，但Bobby依然覺得理想，還指看到中段便會發現劇情沒抄襲成份。
楊怡搵錢養仔
Bobby笑說：「除咗林峯食蘋果個動作有啲似日劇，其他都冇，咁下次叫佢食蕉。」提到鄭嘉穎在內地拍劇一集有16萬酬勞，Bobby笑說：「我訓練班出嚟都唔止，但我收日圓。」
楊怡玩遊戲時要擲波許願，想擲向愛情卻多次不中，但她說：「愛情唔使住，我要錢養家。有錢就一定有男人，會覓到真愛。」是否像賭王千金何超雲一樣？楊怡說：「我意思係有錢年紀大咗可以養自己。」楊怡前晚出席鐘錶晚宴時表示，下月無綫台慶她必然會性感示人。
採訪：王連連、張俊銘
攝影：陳順禎、仇志德