【本報訊】藉口幫女友胞妹退燒胞妹上床的兼職風水師，昨日終被裁定罪名成立。但他入獄前仍死撐是姊妹花爭風呷醋，令他身敗名裂。這名自稱「以前女友多到數唔晒」的淫棍，更大言不慚憶述這段荒淫歲月：「好多人話我一箭雙鵰好爽，我辛苦你唔知啫！星期六同一個做完，星期日又同另一個做！」可見他仍死不悔改。
記者：楊家樂、羅日昇
被告阮毓健（43歲）在裁決前接受本報訪問，道出他如何無師自通風水命理。他說自小不喜歡上學，卻沉迷風水命理之說，花光零用錢買書研究，沒錢時便到書店打書釘。他自言博覽風水書，根本不用跟名師學習。
「我靠個樣就死得啦」
中二輟學後，被告曾任職製衣廠工人，後來從事珠寶銷售，卻嫌工作太困身，寧願轉行當低收入的地盤司機。
就在01年，他在地盤認識了正讀大學的暑期工Y，即案中樣貌娟好的姊妹花中的姊姊，當時Y只得19歲，兩人瞬即相戀。後來被告索性辭工，只間中替人睇風水，更堅持揀客；Y畢業後則逐步晉身管理階層。事業上兩人的距離雖然越來越遠，但無損感情。
但Y萬料不到，被告竟看中比她少7歲的胞妹X。據X供稱，被告自04年起以醫病辟邪為由，誘騙她性交、口交及肛交，直至去年她才敢向家人自揭受辱經過。
但被告至今仍堅稱被屈：「成單嘢根本就係妒忌同爭風吃醋！俾人呃，點會呃到幾年呀？」說時他做出一個割頸的手勢，寓意有人要置他於死地。
其貌不揚的被告說自己很有女人緣，更吹噓以前有很多女友。「我靠個樣就死得啦，可能係我口才好。」被告又信誓旦旦說最愛Y：「由始至終，我都係咁愛Y。成件事嘅受害者只有一個，就係Y。我見佢響庭上作供嗰陣喊，我都好心噏。但我唔會再有機會同Y一齊，就算佢肯，佢屋企人都唔肯。」他又謂同一屋簷下應付兩姊妹，壓力甚大。「鬼叫自己衰鹹濕咩，尷尬都冇計。」他說。
由於是案纏身，他聲稱過去一年沒近女色，亦沒心情召妓。他謂事件曝光後大受打擊，預計未來幾年生意大受影響，稍後將改電話甚至改名。「如果呢單案有陪審團我就一定冇事。」他信心滿滿地說。
「有陪審團一定冇事」
在訪問中，被告多次強調和X性交與風水無關。又謂過往曾有性交驅魔案的當事人找他傾訴，他也斷言性交不能辟邪治病。
可是資料顯示，每隔一段時間便有人信性交可驅鬼治病而上當。正如X的一名男友人說，曾跟X說被告呃人，「如果風水師真係可以用搞嘢嚟醫病驅鬼，咁蘇民峰同麥玲玲咪好唔得閒？」但X沒聽他的勸告。
案件編號：DCCC493/11