最近喺電視睇到全新一輯《聖鬥士星矢》，覺得真係好唔掂囉。啲人物名唔同晒之餘，連啲造型都鬼咁乸。以前套《聖鬥士星矢》超正，雖則星矢係主角，但我一啲都唔鍾意佢，反而好喜歡亦正亦邪嘅一輝，仲覺得佢招鳳凰幻魔拳超勁㖭。至於喺黃金12聖鬥士之中，我就最鍾意艾洛斯，無他嘅，因為佢同我一樣，都係人馬座囉！講開星座，讀書嘅時候有個同學好有研究，話會直接影響性格，至於有幾準我就真係唔知，淨係知巨蟹座嘅球員腳風好順，就好似拜仁前鋒馬里奧高美斯同埋巴塞前鋒美斯咁。拜仁今晚作客賀芬咸，家陣佢哋強勢，連贏10場連兼0失球，就連超好波嘅曼城都唔係佢哋手腳，點可能唔追到斷為止呀？
青蛙仔
星期六17
賀芬咸vs拜仁慕尼黑
心水：拜仁慕尼黑勝
心得：唔係同拜仁作對嘛？