最近一位身形龐大嘅財經分析員，懷疑因為飲醉酒喺收費電視台嘅財經節目，語無倫次答非所問，做咗半集已經唔見人，而當晚佢有份做嘅電台節目，亦都「noshow」，之後呢幾日都唔見佢再出現，希望唔係畀人請食豉椒炒魷。其實呢位分析員之前喺敝公司工作，小弟都有幸見過幾面，佢嘅理念真係幾新鮮，不斷叫人買白銀，事實都升咗幾倍有多，但始終作為半個公眾人物，搞單咁嘢出嚟，唔知幾時先有得翻身。飲酒係唔係一定衰？咁又未必，好似曼聯名宿簡東拿，當年就得到領隊費Sir批准，可以喺賽前嘅午餐飲紅酒，踢波咪又係咁勁。紅魔鬼連和兩場，一肚烏氣正好向諾域治發洩。
牽牛
星期六22
曼聯vs諾域治
心水：曼聯勝[-2]
心得：曼聯讓幾多都照捧