噚日內地網站登咗張飛輪海成員汪東城同個遮臉女仔嘅合照，仲話舊年汪東城向相片個女仔求過婚，又話佢哋連仔都生埋。大東嘅經理人已經否認，仲回覆記者：「爆料人只放汪工作嘅側面相，無實質嘅證據相信擺烏龍居多。」擺明就話係流料。之前汪東城又俾人話佢主唱嘅電影主題曲《替我》有抄襲，但無損佢工作心情，仲應承做雜誌封面同專訪㖭。