輸錢皆因贏錢起，居於旺角的女機迷阿P直言，玩了捉魚機一年多，已達至上癮程度，每天也要打，平均花300至400元，高峯期一天花了逾千元，「輸多過贏，打魚最多都係贏過270個（代幣），但係有次玩老虎機，一行埋去玩就贏咗千幾個。家成份糧都用晒嚟打機咁滯！好似澳門賭場啲老虎機咁樣，啲聲叮叮叮叮，贏嗰吓，好多代幣跌出嚟咁，真係好興奮！」老友阿Wing則愛玩老虎機，當中一款名為「馬騮仔」，「試過玩爆機，中咗5,000個！」
社工建議加強規管
一直關注機舖賭場化問題的油尖旺區社工許德亮直言：「好猖狂，喺豉油街當街換錢！」他去年曾在立法會提出監管遊戲機中心，建議修改發牌制度，規管機舖內有賭博成份的遊戲機數量，「家機舖九成係賭博機，跑馬、大細，乜都有」。他認為政府應重新立法，將容許進入機舖的最低年齡由16歲增至18歲，「我擔心好多長者同青少年會變成病態賭徒」。
以拯救病態賭徒為宗旨的基督教互助輔導中心主任梁錫光說，青少年賭博問題日趨嚴重，平均每10個求助個案中，超過1名是青少年。梁表示，雖未接獲沉迷機舖賭博遊戲的個案，但青少年若沉迷這類賭博遊戲，不排除有了賭本後，便會到賭場「賭真錢」。
《蘋果》記者