港股狂瀉數月不止，雖然我哋呢一代都經歷過幾次股災，算係死過翻生有晒心理準備，但連同我最好戰友兼向來冷靜沉着應戰嘅股壇老手傾開，都話少啲心血都死，可見街外戰況如何慘烈。大家其實嘅信念都係投資緊一啲好公司，睇遠啲；但係見血流成河，好股也跌到半死，總有啲心噏。
賭波唔同，見隊波唔對路起勢輸，點都唔可以太硬頸，要即時轉軚買對手。小弟今季一直看好櫪木SC，諗住佢哋會翻身，點知近月佢哋同股市一樣食咗瀉藥咁，4連敗已跌至第6，前線啞火；今日作客到唞咗成個禮拜嘅東京綠茵，對手主場特勁氣勢上升，一於轉軚望替本欄貼日本波3連勝。
蘋果波神
星期六10
東京綠茵vs櫪木SC
心水：東京綠茵勝
心得：櫪木散晒，作客東京冇運行