成日聽到啲北上尋歡嘅男性朋友話，祖國嘅河山咁壯麗，港女冇得比，所以唔北上就對唔住自己。對於呢一眾雄性動物嘅行為，我唔會作出任何評論，我只係想講，其實祖國地大物博，除咗靚女多之外，靚仔其都唔少，只不過係香港人唔多留意啫。好似之前《山楂樹之戀》嘅男主角竇驍，喺陝西出生、加拿大長大，又型又夠陽光；而家《大武生》嘅韓庚，靚仔度拍得住另一男主角吳尊之餘，仲比吳尊多一份陽剛氣㖭！
講開靚仔，其實利物浦都有唔少，隊長謝拉特勝在夠型、前鋒安祖卡路爾夠不覊，而蘇亞雷斯對哨牙亦夠cute，周六作客愛華頓踢默西塞德打吡，紅軍夠贏。
吾中
星期六13
愛華頓vs利物浦
心水：利物浦（上）
心得：紅軍靚仔多又好波