雖然今年F1冠軍已鐵定是當紅車手維特爾（Vettel）的囊中物，但仍無阻逾萬名「粉絲」到場打氣，今次去木浦，竟然聽唔到引擎聲，反而周圍都係「殊殊」聲，究竟搞乜鬼？
記者/攝影：李鑒泉
Model：Anisa
鳴謝：韓國觀光公社
粉絲必睇九曲三彎
「咦，見唔到維特爾嘅？」ModelAnisa見唔到偶像有點失望，惟有攬住紙板公仔係咁錫。雖然睇F1要等多幾個星期，但KoreaInternationalCircuit平日都有靚人靚車睇，如韓版《TopGear》就在此拍攝，採訪當日更見到KBS電視台在此拍攝新劇，雖然無李秉憲、元彬等，但眼見「波子」在場中激劈，連小記都忍唔住叫司機用客貨車帶我們在這條有18個彎道的賽道以時速逾百公里飛馳，結果落車一刻小記和Model立即嘔吐大作，走到場邊的賽車博物館休息兼聽爆衫哥哥介紹場地特色，他指多個連續彎道考驗車手及賽車，而維修站那道韓式木橋原來是車手休息室，就算在此飲酒煲煙都無人發覺咁話。
（a）F1韓國大獎賽
日期：10月14日至16日
地點：全羅南道靈巖郡三湖邑KoreaInternationalCircuit
前往方法：從務光機場轉車都前往賽車場，
車程約30分鐘。
啜爆新鮮八爪魚
全羅南道距離首爾差不多300公里，單是駕車也要花上5個小時，不過韓國人每逢周末周日都會驅車到木浦，為的就是一碟新鮮的八爪魚刺身，仲犀利到有條街兩旁清一色都是賣八爪魚。最正宗的當然是開業40年的독천식당，店門擺放巨型水缸讓客人挑選心水八爪魚，客人可選擇用筷子將原隻生八爪魚如串燒般放入口，不過小心鯁親！另一食法就是將八爪魚切片並用麻油伴碟，入口時觸鬚仍在不停郁來郁去，仲會吸實你個嘴等你咬佢唔到，十分搞笑。而牛肋湯味道鮮甜，白灼八爪魚也很滋味。
（b）독천식당DokcheonRestaurant
地址：全羅南道靈巖郡鶴山面犢川里184-12
電話：（82）0614724222
營業時間：10:00-20:30
網址： http://www.nakji1970.com
重口味魔鬼魚
有百年通商歷史的木浦港，因為面臨黃海，魚穫甚豐，更有不少奇怪海產，連魔鬼魚都有得食。在碼頭對面的南港海鮮中心，人人一盒一盒將魔鬼魚買走，細細盒都盛惠$500。雖然小記出發前做足功課，知道連蔡瀾都對魔鬼魚避之則吉，更指醃製後的魔鬼魚是天下間最難食的食物之一，但小記仍硬着頭皮試試，店主大嬸已叮囑要將魔鬼魚刺身點滿辣椒醬才放入口，惟不足5秒口中已充斥阿摩尼亞味，最終只有投降收場，連公關都笑我們唔識食。除此以外，魚市場又有黃魚乾及紫菜等乾貨，買來作手信一流。
（c）코롬방제과점
地址：木浦市務安洞1號（南港海鮮中心中）
電話：（82）0612445434
彩燈街搵年糕大媽
跟首爾、釜山等大城市比較，木浦無疑比較樸素，大部份商店都集中東明洞及竹洞一帶，但服飾價錢卻與一線城市相差無幾，倒不如慳錢搵食更好。位於木浦彩燈街旁的쑥꿀레，聽講韓戰之後就已開店，主打傳統辣年糕，年糕不太腍之餘又帶少少辣，連唔食得辣的Anisa都大叫「MaSiSeoYo」（韓文맛있어요，好吃的意思）！另一道炸粉糰味道偏甜，用來解辣就最好不過，加上食到飽都唔使$20，抵佢威到去首爾開分店。
（d）쑥꿀레
地址：木浦市竹洞660-121樓
電話：（82）0612447912
韓國最大面額鈔票為50,000韓圜，09年首次以女性為題，將朝鮮書畫家申師任堂的肖像印在鈔票正面，背面為同期畫家魚夢龍所繪的月梅及李霆的風竹，藝術味十足。
TravelMemo
持特區護照或BNO免簽證。韓國領事館：25294141
康泰5日4夜韓國F1旅行團，包F1韓國站練習賽及總決賽入場唿，另遊覽全羅南道寶城茶園、首爾明洞、南大門等，每人6,099元起。查詢：21088888
220V，兩圓腳插座
1港元兌約151韓圜（文中價錢已折算港元）
下周12-24℃部份時間有陽光
