利物浦同威爾斯前鋒比拿美（圖）嘅形象向來好差，場內打人場外搞事，但估唔到佢都有正義嘅一面。話說佢早排去西非塞拉利昂出席自己間足球學校嘅活動時，見到幾個學生哥整喊個女Miss，於是上前教訓佢哋，同班仔講要尊師重道，仲要遵守紀律。睇嚟利物浦領隊杜格利殊要搵佢幫手，教吓出名頑劣嘅安祖卡路爾先得。