藝人對住鏡頭一個樣，私底下另一個樣就係人都知，始終現實同鏡頭有差別唔係親眼見唔會信。好似組合《東南西北》個女人C咁，平時見佢斯斯文文講嘢陰聲細氣，熟佢嘅記者都話佢好有禮貌。但係有朋友同關仁講，試過有次佢開住架日本錢七停喺燈位前，冇幾耐就見到一架名車波子BOXER停正喺旁邊，個朋友發現就係開完演唱會冇耐嘅女人C，見到明星望多兩眼都好正常，你有禮貌咪笑下，唔鍾意表情都得。但係女人C就用好挑釁嘅眼神望咗我朋友一眼，之後仲不停狂踏空油架跑車就發出怒吼聲，好似撩人砌車咁，交通燈轉綠燈，女人C架車完全發揮佢跑車威力一支箭咁去咗。
撰文：關仁