法比加斯（圖）又過檔？係過檔，不過唔係離開巴塞隆拿。「豹嘜」噚日宣佈佢哋已經同法比仔簽咗一份5年值1,600萬鎊（約1.9億港元）嘅合約；計番條數，法比仔賬面數每個星期袋多成6萬鎊。咁筍，係人都簽啦！至於以前贊助佢嘅一剔就真係多得佢唔少，佢哋棵搖錢樹巴塞話件波衫吸汗得滯搞到又重又唔舒服，家仲有法比仔都走埋，真係雪上加霜。