陳自瑤（YoYo）早前撇低男友王浩信，與友人往泰國華欣度假，享受陽光與海灘。近期專心拍攝無綫劇《東西宮略》的YoYo，坦言視明年為收成期，希望該劇為她帶來好成績。與王浩信拍拖已經有一段日子，YoYo被問到婚期時，甜絲絲地說：「有嗰陣會講你知，好快㗎！」
陳自瑤早前與友人往泰國華欣度假，享受當地的陽光與海灘後，隨即投入劇集《東西宮略》的拍攝。談到今次泰國之旅，YoYo說：「其實我一直都好嚮往陽光與海灘，但係一直都冇機會，難得夾啱朋友，所以點都要去，如果等埋佢（王浩信）又唔知要等到幾時，不過我哋都會plan定假期。」
努力儲錢結婚
YoYo與王浩信拍拖已經有一段時間，早前有指他們正努力儲錢結婚，問她何時拉埋天窗？她甜絲絲說：「有嗰陣會講你知，好快㗎！」
近年YoYo的發展尚算不俗，劇集一部接一部，角色上亦看到她的轉變，已經不再停留在飾演妹的階段，她說：「其實我不嬲都想擺脫呢個感覺，家都少咗做呢啲角色，我覺得擺脫咗大半，都幾滿意。」
問YoYo可滿意今年嘅成績？她直言：「我覺得今年一般，可能今年係努力期，出街嘅劇唔多，所以希望下年可以出多啲劇，睇吓努力之後嘅結果。」
「希望好收成」
YoYo續說：「當然希望有好收成，但係好多嘢都要隨緣，冇得你諗點去控制，有時啲劇講到好好，但係出咗街又唔係嗰回事，所以真係好睇觀眾嘅口味，都係一個運氣，不過點都好，做嗰陣當然會盡力做。」
採訪：何慧斯