黃貫中（Paul）昨日接受商台訪問，大談下月跟樂隊Postman舉行的演唱會，他說：「今次我舉行演唱會之後先再出碟，自己都覺得幾大膽，因為好多歌大家都未聽過。」
對於唱片業走下坡，難以令歌手維持生計，阿Paul說：「不過我唔會用搵食去睇出碟，雖然唱片已經係夕陽工業，但作為音樂人唔可以唔搞音樂，除非我離開呢個圈，所以就算棺材本拎晒出嚟，我都要搞好隻碟，仲要係高質素。」
悔轟菲政府
性格火爆的阿Paul，曾因不滿港人於菲國被殺一事而於微博對菲政府開火，昨日他說起此事時說：「如果係要執着字眼的話，我的確係過咗少少火位，大家將件事炒大咗，我只係喺自己空間發表意見，不過我會為此負責任，我係難辭其咎。」他表示為當日遇害的港人傷心，現時看到他們的家屬亦會感到難過。
撰文：譚倩宜