中環在線:味千老闆娘醒覺時代已變 - 李華華

中環在線:味千老闆娘醒覺時代已變 - 李華華

味千(538)早幾個月豬骨湯事件搞到一鑊泡,公司唔只冇落力向傳媒解畫,反而十問九唔應,連分析員都大鬧公司公關手法差。事隔個幾月,事件丟淡咗,老闆娘潘慰(圖)先肯蒲頭,接受內地《21世紀經濟報道》訪問。
潘慰好感性咁話,當時負面報道滿天飛,佢晚晚瞓唔着,天未光就喺屋企個花園行嚟行去。曬咗咁多晚月光,佢得出嘅教訓喺「時代已經唔同咗」!以前以為只有財務數據公開就掂,但家有Internet、微博,味千嘅產品同管理都要公開,總之就係「小事都要放大嚟睇」咁話!
不過,潘慰始終唔覺得,誇大湯底嘅鈣含量係虛假宣傳,佢話只係「字眼用得唔太妥當」!睇嚟佢仲未從教訓中領誤噃!