有電眼美人之稱的李美鳳，雖已屆48歲，兒女又13歲，但無損她的魅力。李美鳳前晚來港出席活動，自爆在加拿大遇上年輕近20年的帥氣男侍應向她調情，但自己有家室，更無法接受姊弟戀。李美鳳深愛老公，夫婦近期更再度蜜月，開心甜蜜。婚後度期等生仔的楊千嬅，則要等到明年才有機會造人，她笑言：「唔係扯，最緊要中！」
今個月是關注乳癌月，李美鳳、楊千嬅、童愛玲和林莉等，前晚在尖沙嘴半島出席EsteeLauder宣傳關注乳癌的活動。
年輕侍應調戲
依然美麗年輕的李美鳳，自爆在加拿大旅行期間，有兩次艷遇，包括被30歲年輕男侍應挑逗，她說：「其中一次，喺博物館睇緊，有兩個男人走埋嚟，其中一個同我老公差唔多年紀，不停咁撩我講嘢，我直情要叫佢哋專心啲睇。兩日之後，喺餐廳又俾一個又後生又靚仔嘅侍應，不停向我調情，又請我食嘢。」
李美鳳表示難以接受：「一來我有家室，二來佢得30歲，就算我係單身，尊嚴上都唔得。」她謂和老公結婚15年，十分恩愛，近期更再度蜜月，覺得非常幸福，她說：「家啲仔女13歲，可以自己照顧自己，我同老公申請咗放大假，同啲好好嘅死黨一齊去歐洲旅行。」
李美鳳笑言15年只儲到14日大假，平均一年一日，她說：「同啲中學、大學同學去玩，見朋友真係好重要，因為有朋友喺法國、德國，有朋友可以預防抑鬱症。」
千嬅造人求中
楊千嬅婚後常說造人，但沒時間，她謂已用心作身體檢查兼調理情緒，不會心急，她說：「10月同12月有新戲，11月音樂會，最快要下年先有得休息一兩個月。」記者笑她要等到休息才一次過「扯盡」，她即變成大笑姑婆：「呢啲唔使扯，係要中！」她又謂：「不過呢啲真係命中注定，冇得講，我助手又有咗，真係要問吓佢老公。」
採訪：盧妹 攝影：陳志嵐