超大現代（682）因為涉及內幕交易案，俾市場失當行為審裁處查，股價急挫後停牌。涉案嘅主角之一富達職員GeorgeStairs，由基金經理轉咗做分析員。噚日華華無意中喺富達網頁刊登嘅公告發現，Stairs轉職日期係9月6號。果真事有湊巧，呢一日正係市場失當行為審裁處就超大案舉行首次會議，當中有乜玄機，的確耐人尋味！
張公告係通知投資者，AlexanderZavratsky取代Stairs做基金經理，同時亦介紹吓Zavratsky嘅背景，但就冇交代點解要換人，亦冇講清楚Stairs嘅去向。不過，之前富達基金發言人就話，Stairs調咗去做分析員。