郭晉安剛續約無綫，電視台「茉莉花革命」引發加人工潮，聞說連剛續約的藝員都會調整薪酬，安仔知悉雀躍說：「幾好喎！我好支持，幾時到我？」他又直認收過短訊及電話：「我開頭諗係咪整蠱電話，第日睇報紙知道係堅，都係覆番佢話有機會喇！」
安仔表示自己在無綫簽約一年拍一套劇集，他說：「在我嚟講，你畀多一倍我又如何？暫時我睇見TVB係有一個國際發行嘅網絡，我演嘅戲係最多人睇，呢個先係我最大得益，當時我簽合約，係攞番我開心嗰個價錢咪得囉！」
此外，今年候選視后陳法拉願意繼續效忠無綫：「我開緊廠，所有同事差唔多同一時間收到個訊息，訊息我有，如果我冇咪好冇面。」
採訪：楊潔雯