眾星四散嘅阿仙奴今季英超成績大倒退，唔少球迷都好心痛，喺歐聯迎戰奧林比亞高斯前夕，壞消息睇嚟又多一單。話說19歲中場新星韋舒亞（圖）日前完成右腳腳踝手術後，要長唞5個月。兵工廠日前發表聲明，話佢腳踝嘅碎骨已經成功攞咗出嚟，但就要一段長時間休息，明年2月康復後，操起狀態得嚟，都到季尾囉，同收「咧」冇乜分別啫。