【本報訊】被告林駒指買賣粵港跨境車牌屬走法律罅生意，但收入甚豐，不少行家以此作投機工具，甚至有老千化身買家佈局騙財。林駒說：「佢哋會中途叫個賣家唔好賣，轉頭話做唔成單嘢，叫中介人賠雙倍定金。」
付費後不保證成功
據他在庭外透露，粵港跨境車牌有價有市．由於申領者須在本港及內地擁有公司，並至少在內地投資1,000萬元，門檻頗高，故吸引不少人以非正式渠道取得車牌，例如藉公司轉名取得旗下車牌。非官方牌價由09年中的45萬元，升至現時70至80萬元。
被告稱，客戶如以公司轉名形式買牌，先要向內地單位付數千元辦證費，但不保證成功，「有啲公司欠稅，有啲入咗黑名單，政府唔畀佢買賣公司。有時就算買到個車牌，但原來部車走過私，每次過關好似照肺咁」，有些客人出錢出力後，到最後關頭無奈放棄交易。
去年曾遭人冒充連開七分店騙財的被告，自言表面風光，他指被吳偉倫盜名行騙，失去信譽及生意。他早知吳的背景，今次合作前已叫吳「唔好好似以前咁，挾住啲錢走咗」，詎料最後也受騙了。