有傳聞話44歲嘅羅慧娟患上胰臟癌，噚日娟妹鬼咁精神喺尖沙嘴現身，支持好友鄭秀文（Sammi）嘅活動。對患病傳聞，娟妹冇否認，不過Sammi話有為娟妹嘅健康祈禱。
鄭秀文噚日喺尖沙嘴為代言嘅鞋子品牌Sketchers舉行簽約儀式，除咗模特兒AliceB行騷外，仲有Sammi嘅教會好友羅慧娟畀面撐場。傳言話娟妹患胰臟癌，所以佢一出嚟即刻成為焦點，見娟妹精神奕奕，佢仲同Sammi影相，仲話會將幅相畀老公劉志敏睇。
「娟妹tough過我」
問Sammi會唔會知道大家嘅秘密，佢就話：「我都冇乜秘密。人哋成日覺得我好tough，其實娟妹tough過我、勁過我十倍。」
娟妹都話：「我同佢講嘢多過同老公，有Sammi呢個朋友係好大恩賜，佢識唔識都為人祈禱。」講到家身體狀況，娟妹無正面否認患癌傳媒仲反問者記：「你覺得我好唔好？講係冇用，傳聞我就唔回應，只會行出來畀你哋睇。」問Sammi會唔會祝娟妹早日康復，佢就答話：「佢好勁，面對困難交畀主，我哋內心力量好快樂。」
