江若琳和杜汶澤等前晚到尖沙嘴出席電影《高舉愛情》煞科宴，後日24歲牛一的江若琳獲眾人送上啞鈴生日蛋糕，早前增肥20磅的她更發揮大隻妹本色，即場孭起阿澤，由於動作太大，令她走光露微罅，阿澤更面紅耳熱，並笑說：「男女授受不親，咁嘅姿勢，梗有少少反應。」
呻老婆孤寒
江若琳現時積極減磅，已成功減了5、6磅，她說：「部戲好感動，睇劇本睇到喊，拍嗰時又受傷，俾啲鐵壓親條腰同膊頭。」不過她不擔心傷患會影響將來生育問題，因為她已照X光，慶幸沒傷及骨。
阿澤透露今年會完成八部電影，但他大呻沒豬籠入水，他說：「搵幾多都畀晒老婆，老婆每個月畀萬五蚊做零用錢，我有要求加人工，但老婆唔肯。」
採訪：文國駿
攝影：黃偉雄