官恩娜（Ella）、鍾舒漫和方珈悠等昨日在旺角朗豪坊出席STEVEMADDEN時裝騷，日前Ella出騷又遇男狂迷想衝上台，昨日再次在鬧市出席活動，Ella說：「其實冇乜嘢，只係歌迷太熱情。」
鍾舒漫誓幫拖
不過Ella表示收到很多朋友的電話，問到男友是否很擔心？Ella謂：「好多朋友好擔心打電話嚟，男友就冇乜嘢講。」鍾舒漫搞笑說：「我會保護Ella，我今日着住對高跟鞋，有人行埋來就一腳伸落去。」
5呎4吋的Ella中學時在英國返學已經着高跟鞋，她強調自己最適合着高跟鞋，而男友身形魁梧，她着高跟鞋絕對無阻礙，她笑說：「佢六呎幾，我可以着多一呎高都高唔過佢，不過感情係講緣份，唔係計較外表，不過如果因為高度唔畀女仔着高跟鞋係好唔人道。」
採訪、攝影：楊潔雯