混血E神Monna（林宜芝）剛為自己嘅寫真做完宣傳，接住就跟同門另一位模E級超蓮（Iris）投入打碟訓練，經過兩個月訓練後，開始到唔同嘅場地表演，下月會衝出香港，仲不忙單打死敵Jeana有爆乳危險。
佢哋先後喺香港多個夜場擔任DJ吸收經驗，接住喺下個月21號仲會去澳洲墨爾本進行首站國外打碟演出，對於日前被Jeana取笑佢接唔到外國show，Monna就笑住咁講：「唔好睇小我，我真材實料兼戰鬥力好強，反而擔心有啲人嘅身材會頂唔到強勁嘅音樂而爆煲。」至於曾經有模投訴喺打碟時被非禮，Monna坦言唔相信會發生喺自己身上，皆因佢走嘅雖然係性感路線，但絕對唔係豪放，唔會引起啲人會有非禮佢嘅諗法。