法國頂級鞋履ChristianLouboutin（圖左）嘅招牌紅底高踭鞋名聞於世，碧咸嫂維多莉亞、名模KateMoss等都係佢嘅支持者。早前佢喺巴黎嘅男裝鞋專門店開幕，而威爾斯欖球員湯馬士（GarethThomas、圖右）就可算是呢個名牌嘅代言大使！皆因呢位37歲嘅欖球員兩年前公開承認係同性戀者後，品牌設計師ChristianLouboutin好欣賞佢咁勇，送咗兩對為湯馬士設計嘅鞋俾佢，仲做埋好朋友，早前Louboutin設計嘅TheAlfieFlat（小圖）鞋款，都係受湯馬士所啟發，真係老友鬼鬼！