袁詠儀（靚靚）、王敏德及太太馬詩慧昨日出席鞋履品牌Ecco在海運大廈舉行的活動，靚靚及王敏德分別為囝囝魔童及太太馬詩慧拍照上微博，每轉發一次，品牌將捐錢到「點滴是生命」籌款。
對於近日電視界掀起挖角潮，靚靚坦言間間都有接觸，無綫也有向她招手，兒子魔童也被打主意，至於是否天價力邀她加盟？她謂：「有啲未傾，其實價錢真係好難同內地比，都係睇劇本同對手最緊要靚仔。」記者提議她與老公張智霖做對手戲，靚靚說：「呢個日對夜對，好就好啫，唔好對三個月都面左左，我同陳小春咁好朋友都試過面左左啦。」
王敏德Power十足
王敏德及馬詩慧的子女已長大，問兩人可有興趣再追多個？王敏德即表示自己仍然OK、好有power可以繼續努力，身旁的馬詩慧聞言無奈謂：「我都好健康。」他們透露在外國讀書的兩位女兒都有男仔約出街，直言只要男方性格好就可以。
採訪、攝影：黃曉妍