Jeana有小三，她的死敵、百果園E神陳靜（DaDa）也跟暗星、有份演無綫劇《潛行狙擊》32歲的李雨陽發展地下情。二人前晚拍拖到澳門欣賞鄭伊健個唱，二人十指緊扣到場，還在澳門過夜，昨早才結伴回港。
DaDa撻着李雨陽早有迹可尋，二人近日常透過微博傳情兼晒幸福，除相約行山，又睇戲兼撐枱腳。記者昨日致電李雨陽，求證他與DaDa拖手睇騷，他先得戚說：「有咁嘅事咩，太黑我唔記得。」
口供一致
若有圖為證？李雨陽即口窒窒說：「如果有相就可以提醒返我啲記憶。」他大讚DaDa是80分好女生：「我對佢都有好感，家要了解吓先。」他更直認與DaDa在澳門過夜：「我哋去咗唱K，今朝先返香港。」
對於戀情曝光，DaDa昨日在電話中說：「係一齊去睇伊健，可能我着高踭鞋kick一kick，佢咪扶住我。佢係80分好男仔，唔排除可能發展。」
採訪：比華利
