吳卓羲、黃宗澤、孫燕姿、李玟及王力宏等，前晚到深圳出席「王．后駕到2011巨星全國巡迴演唱會」。吳卓羲笑着回應日前於北京與女友張馨予撐枱腳一事，他承認到北京是見緋聞女友。
吳卓羲日前於北京被拍到與緋聞女友張馨予見面，其間張馨予一度想拖着他的手，但當場被吳卓羲推開。吳卓羲前晚於深圳出席活動時，早有準備回應，他全程面露笑容說：「係普通食飯，唔好咁敏感，好多朋友都在場，我見到記者影相。」
懶理女友工作
問吳卓羲為何不拖着張馨予的手？他說：「角度問題，點會喺公眾場合拖手呀？」記者即取笑他要在私底下才會拖張馨予的手，他回應說：「唔係。」問吳卓羲此行是否見張馨予，並為她慶祝主演的《不怕賊惦記》入圍東京電影節？他沒有否認說：「係搵佢，仲有其他朋友，但我唔知佢套戲入圍。」
記者接着再追問吳卓羲會否公開戀情，以及張馨予何時到香港找他？他即避忌說：「稍後再講，我只係回應食飯嘅事。」對於有相士指他會奉子承婚，吳卓羲說：「我下次食飯小心啲，我唔信風水。」
孫燕姿生四個
即將結婚的李玟透露，今日會飛到紐約試婚紗，她說：「我件婚紗係VeraWang嘅，我唔希望再瘦要再改。」孫燕姿被問到婚後是否已不設防造人時，她尷尬說：「你們問太多了，我希望生四個。」
另外，黃宗澤表示沒有收過電話邀請他過檔，對於有報道指他未夠班做視帝，所以無綫有意讓黎耀祥冧莊，黃宗澤表示：「同祥仔比我點夠班？佢係最有實力嘅。」
採訪、攝影：曾小嘉