【本報訊】天主教香港教區陳日君樞機昨形容，港府提出的德育及國民教育科「非常危險」，擔心演變成法西斯式極端國家主義，毒害香港下一代，「你究竟想教乜嘢呀？係咪毫無保留欣賞共產黨？完全服從中央指示先算愛國？」
「追問吓使佢克制啲」
陳日君在教區的國民教育研討會指出，愛國指愛中國的同胞、文化遺產，「係咪要愛我哋嘅政府呢？咁就未必。」他以強迫百姓愛執政黨的納粹黨和法西斯為例，質疑本港推行國民教育之目的，促請港府釋除教育界疑慮，「所謂溫水煮蛙，呢啲問題唔係多餘。家將問題講到好溫和，我哋知道有啲嘢喺背後，追問吓會使佢克制啲。」
當記者問及曾蔭權為首的特區政府處理國民教育的態度，陳日君暗示此政策由中央背後操控：「唔知呢個政府係咪曾蔭權㗎呢？呢一切，大家都知道從邊度嚟，我哋出於愛國，就要勇敢維護一國兩制。」
教區就《校本條例》司法覆核上訴官司有待終審法院審理，陳日君警告，一旦上訴失敗，教區等同失去辦學權利，家長權利不受保障，辦學團體難制衡政權，「我哋雖然有股勢力，但係一直好克制同政府合作。家局面有啲唔同，更需要人民力量制衡政府。如果政府攞走我哋推動人民嘅工具，將來可以推出任何所謂國民教育。」
有責任保護下一代
陳又引用天主教義，除非具備五項條件，即基本權利受嚴重和長期侵犯、用盡其他方法、不會引起更惡劣的紛亂等，否則抗拒政權時不能訴諸武力。但陳認為現階段不具備以上條件，強調教區師生有責任保護下一代，理性批判國民教育政策。至於會否發動教區學校「公民抗命」抵擋國民教育科，甚至提出司法覆核，則言之尚早。
學民思潮召集人、中三生黃之鋒在會上表示，遊行或出席六四集會也是愛國表現，「最擔心有學生被國民教育洗腦，冇被洗腦嘅學生成為虛偽嘅人，唔敢講真話。」天主教教育事務處宗教及道德教育課程發展中心總課程主任陳乃國表示，教區學校每周已有兩堂公民教育科，國民教育已包括在內。他憂慮新科或取代舊科，促請政府容許校本自決。