有外傭公司指外傭市場供應緊張，香港需與其他地區競爭，外傭爭居留權一旦勝訴，可能有大批獲居港權外傭轉投其他行業，市場未必能即時填補人手，僱主或需多花一倍時間物色外傭。
赴加工作可以入籍
得成僱傭中心總經理廖翠蘭指出，近年不少地區對外傭的需求增加，如新加坡、台灣的外傭人工均高於香港，加拿大更容許逗留兩年的外傭申請居留權，香港的吸引力大不如前，「港元貶值，唔少印傭寧願揀去新加坡，當地僱主亦冇香港咁奄尖。菲傭就鍾意去加拿大，因為可以入籍」。
她表示，一旦外傭居留權官司勝訴，根據政府早前披露有12.5萬名外傭合資格取得居留權，意味這批外傭或放棄當外傭，轉投其他行業賺錢，市場未必能短時間內填補空缺，「我哋都培訓唔切，以我公司為例，唔少係有海外經驗嘅外傭，我哋冇可能搵到10幾萬外傭返嚟」。
外傭公司另一憂慮是政府或以行政手段「截龍」，限制外傭續約年期不多於6年。擁有逾6年經驗的外傭難求，「叫佢哋返家鄉等一年先返嚟係冇可能，一定會被其他地方挖走」。
廖翠蘭稱，在僧多粥少下，本港僱主更難聘請外傭，「家有部份僱主已經好難搵工人，如果外傭官司勝訴，僱主會更難，到時可能要畀多一倍時間去搵，即係起碼半年，而且唔可以咁挑剔，如果唔係就難上加難」。
《蘋果》記者