【本報訊】巴士惡漢與文化夫婦因為逼巴士踩過界問題引發衝突場面。浸大青年研究實踐中心副主任邵家臻指，事件顯示都巿人解決困難能力下降，較「躁底」容易暴躁，加上公德心觀念被蠶食的惡果：「大家將公共空間私有化，當自己屋企！飛象過河係舒服嘅表現，但係你會知道咁樣係冇禮貌，以前人哋瞄一瞄你都會縮腳；但家啲人知乜嘢係善惡都好，會覺得『我畀咗錢坐得呢張凳，呢個空間就係我！』」
對於有旁觀乘客拍下衝突短片放上網，邵家臻認為此乃網絡審判，「唔敢出聲做『架樑』，報警又好麻煩，拍片放上網就以為盡咗公民責任。」邵強調，片段可能不夠全面，會影響其他人判斷，隨時演變成網絡欺凌。
自稱新晉時事評論員的曾繁光估計，事件與搭長途車無關，只是港人處身壓力大的城巿，精神緊張容易暴躁。曾繁光又指：「從個人層面睇，可能事主衝動暴躁，受挑釁容易發惡着火；若從經濟層面睇，可能事主近日受股巿大瀉影響心情。」