汪明荃和王賢誌昨到旺角出席探訪活動，對於近日電視圈的挖角潮，阿姐說：「挖角幾時都有，但TVB根基好耐，有自己運作，唔需要擔心。我絕對冇考慮過走，由年輕時候加入TVB，都冇諗過離開。」阿姐說沒收到王維基及其他電視台邀請，她覺得最重要是看機構是否健康及有否發展機會，相對無綫是大公司自然有更多發展機會。
王賢誌：睇定啲
王賢誌覺得挖角是好事：「TVB人工一向低，以前冇競爭，亞視畀唔到好條件，家有三間電視台係好事。不過啲廣告商會頭痛廣告唔知放邊個台，開頭一定大灑金錢，TVB相對亦會做更多嘢，家所有人唔好心急走，要睇定啲，一簽簽兩年，唔知之後點。」
撰文：林妃