曾敗走亞視的電訊魔童王維基，昨出席資深傳媒人劉天賜的新書發佈會，有備而來，主動回應記者提問，不脫意氣風發，多次暗諷無綫管理不善，「我見32個人，31人話走，你諗吓係乜嘢士氣」；又指要尊重創作部和藝員的發展空間，單靠加薪是無法挽留員工，「可能揸的士賺嘅錢仲多，幾咁悲哀」。
嘲無綫利潤大出手低
08年底出任亞視行政總裁的王維基，曾矢言「一千人都可以打贏一萬人」，又指要擺脫亞視「中央台」謔稱，結果上任短短12日，涉亞洲小姐性騷擾醜聞請辭。事隔近3年再踏電視圈，態度看似收斂，狂言卻掩不住，多次聲稱「最top（頂尖）嗰31個人喺我手」，又指沒有人願意留在無綫：「你話畀我聽留得番邊個吖，我諗好快就揭盅」。
王維基昨回應記者提問總留有一手，但發佈會後跟劉天賜交談，卻大鳴大放，炮轟無綫近年在電視劇集加插植入式廣告，「唔係用嚟冚成本，只係想賺多啲」。他指現時無綫每晚8時半至10時半的廣告收入達800萬元，但兩小時的製作成本只得80萬元，「即投資一蚊，就賺10蚊」，暗嘲無綫利潤大、出手低，「只要用番多啲錢去做製作，質素應該好好」。《蘋果》記者